mercredi 6 janvier 2016
كلاكيت
mercredi 6 janvier 2016
- الكاتب:
Unknown
{[['![]()
', '![]()
']]}
{[quot;", "", "", ""]}
كلاكيت
*كلاكيت اول مرة :
-ايه يا حبيبتي مش ناوية تفرحينا بيكي ؟
هو انتوا مش فرحانين بيا ده انا جبت مجموع كبير و هدخل كلية كويسة
*كلاكيت ثاني مرة :
-ايه يا حبيبتي يعني بقالك 3 سنين في الجامعة مفيش حاجة كدة و لا كدة عاوزين نفرح بيكي
و الله انا فرحانة بنفسي و بعدين الحاجات دي نصيب و لسه النصيب مجاش
*كلاكيت ثالث مرة :
-يعني يا بنتي خلصتي دراسة و اشتغلتي اهو مفيش حاجة ؟ دي بنت عمتك خلصت سنة اولي جامعة و اتجوزت .
نصيب و انا راضية بنصيبي
*كلاكيت رابع مرة :
-اسكتي مش فلانة اتجوزت من شهر و حامل و فلانة دلوقتي ماشاء الله معاها 3 عيال ... عقبالك يا حبيبتي لما نفرح بيكي .
ربنا يبارك لهم انا الحمد لله راضية و مستنية نصيبي و متأكدة ان ربنا شايل لي حاجة كبيرة اوي عنده و صحيح انا فرحانة بنفسي اوي ..
انا جبت مجموع كبير في الثانوية و دخلت كلية كويسة
تفوقت في دراستي و كل اساتذتي بيحترموني اما بقي بنت عمتي اللي اتجوزت بعد سنة اولى جوزها قعدها من التعليم .
دلوقتي بشتغل و معايا ماجيستير و بحضر دكتوراه ، اما فلانة اللي اتجوزت من كام شهر و حامل ربنا يقومها بالسلمة اللي متعرفيهوش ان جوزها ده بيصبحها بعلقة و يمسيها بعلقة ، اما بقي فلانة اللي معاها 3 عيال ربنا يحفظهم لها فدي بتطفح المر عشان تصرف عليهم عشان جوزها صارف كل فلوسه عالستات ، متتخدعيش بالمظاهر اللي هما عاوزين يبينوا بيها انهم ناجحين في حياتهم هما بيعملوا كدة عشان يداروا علي غلطتهم انهم مختاروش من الاول الشخص المناسب و ان اول واحد خبط علي بابهم وافقوا عليه ، و انا برضوا واثقة في ربنا و عارفة انه شايل لي نصيبي و محدش غيري هياخده .
*كلاكيت اخر مرة :
مش هتباركي لي بقي ؟
-هه؟ مبروووك
1- فرحتكم ببناتكم مش متلخصة في دبلة في ايديهم و لا راجل قاعدة جنبه في الكوشه ، افرحوا ببناتكم بتدينهم ، افرحوا ببناتكم بعلمهم و تفوقهم ، افرحوا ببناتكم بعفتهم .
2- ارجوكم خليكم في حالكم محدش يسأل بنت ( ها ناوية تفرحينا بيكي امتي ؟ مفيش حاجة كدة و لا كدة ؟ مش هنفرح بيكي بقي ؟ ) كل دي اسئلة بتخليها تحس ان فاتها قطر الجواز و بتخليها توافق علي اول واحد يتقدم لها من غير تفكير عشان فلانة اتخطبت و فلانة اتجوزت و فلانة حامل .
3- ارجوكم تاني بلاش سؤال عاوزة الشهادة الاول و لا العريس ؟
عشان محدش عارف النصيب فين ........ طيب افرضوا قالت الشهادة بس نصيبها الكويس جالها و هي بتدرس كلكم هتقولوا لها انتي مش قلتي عاوزة الشهادة الاول ؟!
اخر كلمة خليكم في حالكم
التصنيفات:
Inscription à :
Publier les commentaires
(
Atom
)
0 علّق على “ كلاكيت ”
Enregistrer un commentaire