vendredi 15 janvier 2016
حارب عشان حلمك
vendredi 15 janvier 2016
- الكاتب:
Unknown
{[['![]()
', '![]()
']]}
{[quot;", "", "", ""]}
كتبت: مها نور
قامت الفنانة نشوي مصطفي بنشرصورة علي صفحتها الشخصية علي موقع التواصل الاجتماعي الفيس بوك لمجموعة من الشباب يقومو ببيع البطاطا
وقالت عفارم عليهم انهم مااستسلموش للاحباط وللبطالة ولا قعدوا يولولو ويشتموا فى البلد ونتيجة للردود اللي بعضها سخيف وبيقولو لى انتى فنانة بتاخدى فلوس اد كده ومش حاسة بالشباب المحبط وعايزانا بعد مانتخرج من كلياتنا المحترمة نبيع بطاطا
ونتيجة لردود الفعل وجهت الفنانة الجميلة رسالة لمتابعيهاوقالت عايزة اقول لهم اولاً
ابويا الله يرحمه كان من الطبقة الكادحة الطبقة تحت المتوسطة بشوية كتير ابويا ربانى انى اكون راجل بمعنى انى لما اتخرجت ومالقتش شغل عملت وجبات جاهزة فى البيت وبعتها فى العتبة للبياعين اللي بيشتغلوا فى محلات الملابس
ليه العتبة بالذات لانى فى اجازات الصيف بتاعت الجامعة كنت بشتغل بياعة فى المحلات دى علشان يكون معايا فلوس زيادة عن المصروف اللي باخده من اهلى وليه عملت وجبات جاهزة وبعتها ؟؟؟
لانى كنت عايزة ادرس تمثيل دخلت المعهد وابتديت تمثيل بعشر مشاهد فى ضمير ابله حكمت وكان اجرى فى المسلسل كله ٢٥٠ جنيه كنت ساكنة فى شبرا بيتنا اوضتين دلوقتى بفضل ربنا وبمجهودى انا ساكنة فى فيلا دورين بحمام سباحة فى ارقى مكان فى التجمع الخامس
اتعلمت فى مدارس حكومة وكنت باخد الكتب ببلاش فى الجامعة لانى كنت مقدمة مفردات مرتب والدى انها بسيطة دلوقتتى بفضل ربنا وبمجهودى ولادى جامعة امريكية والمانية ماحدش ساعدنى غير ربنا مافيش منتج دعمنى وادانى بطولة وانا استاهلها بجدارة
اثبت انى بمشهدبن تلاته ممكن اسيب تأثير واحقق نجومية باشوفها فى كلام معجبينى فى كل مكان جوه مصر وبراها انا بشتغل بمجهودى اتحاربت وصمدت اتساومت ومااستسلمتش لانى مؤمنة بحلمى ومؤمنة بأن ربنا مع اللي بيتعب
حارب علشان حلمك وماتشتمش بلدك ولا ظروفك ولاتشتم الممثلين
التصنيفات:
Inscription à :
Publier les commentaires
(
Atom
)
0 علّق على “ حارب عشان حلمك ”
Enregistrer un commentaire