علامة استفهام حلم الوطن العربي

vendredi 25 septembre 2015

علامة استفهام حلم الوطن العربي

vendredi 25 septembre 2015 - الكاتب: Unknown

{[['', '']]}

{[quot;", "", "", ""]}

مسرحية علامة استفهام

امبارح حضرت عرض لشباب صغيريمكن مش فاكره اسمائهم عمرهم ميتعداش العشرين مسمين فرقتهم بسالب 20 لاكن منكرش إن وشوشهم وكلماتهم اتحفرت جوا قلبي وعقلي كنت رايحه وانا متاكده اني هشوف حاجه هتمر مرور الكرام اي لخبطه وعك وخلاص زي اللي بنشوفه الايام دي في المسرح والسينما وحياتنا عموما.

لاكن المفاجاه اني انبهرت من كل حاجه اداء تمثيل نص اخراج حتي الديكور مع انه كان بسيط وفقيركل ده اتعمل بجهودهم الذاتيه محدش ساعدهم غير نفسهم واهالي محترمه مثقفه زرعو في عقول اولادهم ازاي يبدعو ويفنو ويرسمو احلامهم ويحققوها علي ارض الواقع عشان كده العرض طلع اكتر من رائع لدرجه ان ايدي تعبت من كتر التسقيف اللي مكنتش حاسه بنفسي وانا بعملو من فرحتي إن لسه في عقول ومواهب في شباب بالعمر ده واعي ومثقف مبيفكرش بس في التاب واللاب والفيس والتهيييس العرض كان مليان اسقاطات عن اللي بيحصل في وطنا العربي وتجسيد ده في اشخاص الروايه اللي بيكتبها الكاتب داخل المسرحيه نسيت اقولكو ان البطل هو كاتب ومعاه مخرج الاتنين بيتصارعو في طريقه كتابه الشخصيات صراع بين الخير والشر الواقع والخيال او نخليها التمني احسن تمني ان كلنا نبقا ايد وحده والعدل يسود العالم والقدس ترجع ونبطل نبقا عرايس مريونت في ايد القوه العظمي انا بجد فخوره بكل من قام علي نجاح العمل ده وبكل ام وب وقفو جنب اولادهم عشان يطلعو كل الجمال اللي انا شفته امبارح يارب مذيد من النجاح والتفوق وانا متاكده ان المسرحيه هتاخد المركز الاول في المهرجان القادم علي مسرح الهوسابير للمواهب الناشئه بإذن الله لانكو فعلا تستاهلو يافنانين

كتبت

مها نور